範文教學小議

在麥當當內，甲、乙、丙在吃麥旋風。

甲：係囉，最好唔好教掉轉頭果課囉。
乙：哦，叫人look at my four o'clock 的《驀然回首》......
甲：佢突然間掉轉頭又要人讀，課書又長。
丙：係囉，我最唔鍾意果課咩咩琴囉。
甲：哦，咩陳蕾士嘛，冇讀過喎！
丙：（迷惑地）我只係記得果課唔知咩，用有限生命去追隨無限知識果課囉。
甲：邊課呀？
丙：呢，用有限生命去追隨無限知識，咩咩好鬼危險架！依句說話就成為左人生既左右銘喇！
乙：哦，原來講緊既係《庖丁解牛》......
甲：冇教過呀。
丙：（詫異地）哈哈，可能你miss知道依句有害，索性成課書都唔教！
甲：（天真地）但係我都鍾意讀《曹劌論戰》同埋《六國論》，我覺得好好讀喎。
丙：？
甲：（如數家珍的）唔係咩？一鼓作氣，再而衰，三而竭嘛。
乙：哦。
甲：係丫，知道秦國點樣滅亡都好丫？
丙：邊鬼係秦國？
甲：咁燕國囉，實有喇嘛？係唔係呀？
乙：燕國，有呀。不過宜家冇範文喇，好似UE咁考。
丙：下？咁咪剩番果小小都冇埋？
大家深表認同。

按：甲、丙兩人是主修翻譯的，是典型的把所有東西還給老師的人。^^

＊＊＊＊＊＊＊＊＊＊

甲：如果你見工時，人地問你用咩野動物來形容自己，我會揀咩呀？
乙：會揀雞卦。寧為雞口，無為牛後......
丙：下？咩呀？
甲：係囉，一陣佢又返去寫低話我地唔識架喇。
甲：我可唔可以揀豬架？哈哈，肥死、懶死！
丙：蛇得唔得？
乙：蛇王？
甲：係啦，大懶蛇......
丙：唔知會唔會有人揀羊呢？羊咩咩，成日扭計......
甲：哈哈。
丙：我諗冇人會揀牛卦？哈哈。